Plantun de Prouvènço

Pèr coumpara dos planto d'encò nostre

Myosotis arvensis & Alopecurus bulbosus

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 10 à 60 cm
Fueio : basalo
Tipe bioulougico : Emicriptoufite
Cicle bioulougico :

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 4 mm
Flourido : Printems - Estiéu

Sòu : Ca
Autour basso e auto : 0 à 1400 m
Aparado : Noun
Abriéu à setèmbre

Liò : Ermas - Prado - Tepiero sablouso - Bos clar
Estànci : Termoumediterran à Subaupen
Couroulougi : Éurasiatico
Ref. sc. : Myosotis arvensis (L.) Hill, 1764

Co-de-gàrri(-caboussudo)

Alopecurus bulbosus

Poaceae Graminaceae

Nom en français : Vulpin bulbeux.

Descripcioun :
La co-de-gàrri-caboussudo es uno planto pulèu raro que trachis dins li relarg proun umide. L'enflourejado porto de glumo pelouso e de lemma pas forço longo, mai coume èi pas la souleto, fau regarda que lis espigueto siegon emé de glumo de 2,5 à 3,5 mm e que s'escarton. De tout segur, lou mies èi se verifia que siegue bèn caboussudo.

Usanço :
Es uno bono erbo pasturiero, esbroutado pèr lou fedan.

Port : Erbo
Taio : 20 à 80 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Alopecurus
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 2 à 6 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Mai à juliet

Liò : Prado umido - Palun - Mueio
Estànci : Termoumediterran à Coulinen
Couroulougi : Mediterrano-Atlantico
Ref. sc. : Alopecurus bulbosus Gouan, 1762

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis arvensis & Alopecurus bulbosus

Coumpara Te-vese-e-t'ame(-de-champ) emé uno autro planto

Coumpara Co-de-gàrri(-caboussudo) emé uno autro planto